12.16.08
Ang mga Suliranin ng Inang Bayan
Maraming taon na ang nagdaan, nang tayo ay sakupin, alipustahin, at pagsamantalahan ng mga dayuhang mananakop. Hindi pa ba tayo nag sasawa? Sa bawat panahon na may gulo, suliranin, gera sa mindanao, pag-sisiraan ng mga pulitiko, kurapsyon, at mga skandalong kinahaharap ng pamahalaan. Sa bawat balitang maririnig, mapapanood at mababasa mo sa mga Telebisyon, Radyo, at mga pahayagan ay kadalasang ito ang nilalaman. Hindi ba kayo nababahala? Nababahala kung ano ang mga pusibilidad na epekto nito sa atin?
Sa bawat skandalong kinasasang kutan ng pamahalaan, ay nadadamay tayo, napapahiya tayo, nababawasan ang ating integridad. Sino ba naman ang hindi nakakakilala kay Garcilliano, Jokjok Bolante, at Jose Pidal na minsan ay naging bida sa mga mata Midya na mag pasahanggang ngayon ay kilalang-kilala parin. Idagdag na natin dito ang Fertilizer Scam at ang ngayon-ngayun lang na mga Euro generals na nag dala ng sobra-sobrang halaga patungong Europa, na kung tutuusinay marami pang maaring pag gamitan nito, tulad ng pandagdag sa pondo ng Edukasyon, pangkalusugan o kahit pag papagawa lang ng pang publikong inpastraktura na magagamit ng marami. Dahil dito ang Pilipinas na siyang bansa natin ay pumapangalawa sa pinaka kurakot na bansa sa buong mundo at ang nangunguna ay ang Indonesia. Hindi ba parang napakasakit tangapin? Pero ito ang katotohanan! Ang katotohanan na dapat nating baguhin habang maaga pa. May magagawa pa tayo. May mga paraan pa, upang baguhin ang mga pagkakamali.
Sa mga panahon ng kaguluhan, dapat tayo mag kaisa. Sapat na ang mga nasawi sa mga digmaan, upang mag simula ng panibagong buhay. Ipinaglaban ng ating mga bayani ang ating kalayaan, upang makapamuhay tayo nag tahimik, malayo sa pagaalipusta ng iba at walang gulo. Pero bakit tayo nakikipaglaban? Pare-parehas lang tayong mga Pilipino, anak ng ating inang bayan. Para saan pa? Sa anong dahilan? Dahil ba sa Relihiyon? Dahil ba sa pan sariling nais? Pare-parehas lang tayong mga tao, magkakaiba man ang ating sinasamba, minapaniwalan at kultura tayo parin ay mga Pilipino, mag kapatid, magkalahi, at magkadugo.
Lahat tayo ay nabubuhay, hindi para sa sarili lang kundi para din sa iba. Hindi matatapos ang digmaan kung ang igaganti mo rin ay gera, hindi matatapos ang kaguluhan kung ang itatapat mo ay init ng ulo, hindi matatapos ang girian kung ang itatapat mo ay ang iyong baluktot na prinsipyo.
Hindi pa huli ang pagbabago, ang pagbabago na balang araw ay mag dadala saatin sa rurok ng tagumpay.
Maraming salamat po at mabuhay.
